Daǵystan memleketiniń Tarýmov aýdanynda Qazaqstan azamatynyń qatysýymen jol apaty boldy, dep habarlaıdy bairaqmedia.kz Daǵystan Respýblıkasynyń ishki ister mınıstrligi.
Olardyń málimetinshe, Qazaqstan azamaty jol apatyna sebepker bolǵan.
"22 shilde tańǵy saǵat 08:00-de "Kavkaz" federaldy avtojolynyń 247 shaqyrymynda Qazaqstan Respýblıkasynyń 39 jastaǵy azamatshasy basqarǵan "Cherı-Tıgo 8 pro" avtokóligi qarsy qozǵalys jolaǵyna shyǵyp ketken. Saldarynan Ýdmýrtıa turǵyny basqarǵan "Lada-Largýspen" soqtyǵysqan", - deıdi daǵystandyq vedomstvo.
Jol apatynan 4 adam qaza bolyp, 4 adam aýrýhanaǵa tústi.
"Eki júrgizýshi de, sondaı-aq "Largýs" avtokóliginiń 4 jáne 6 jastaǵy jolaýshylary qaıtys boldy. "Largýs" kóliginiń úsh jolaýshysy: 33 jastaǵy áıel jáne 8 jáne 4 jastaǵy balalar, sondaı-aq "Cherı" kóligindegi 15 jastaǵy bir jolaýshysy túrli jaraqattarmen aýrýhanaǵa jetkizildi", - delingen habarlamada.
Qazirgi ýaqytta tergeý júrip jatyr.
