Prezıdent Qasym-Jomart Toqaevtyń tóraǵalyǵymen Aqordada ótken keńeste Ulttyq banktiń 2024 jyly atqarǵan qyzmeti týraly esep berildi, dep habarlaıdy Bairaqmedia.kz.
Memleket basshysyna makroekonomıkalyq ahýal, aqsha-nesıe saıasatynyń negizgi kórsetkishteri, qarjy júıesiniń jaı-kúıi, halyqaralyq rezervter, BJZQ men Ulttyq qor aktıvteri týraly baıandaldy.
Jıyn barysynda Ulttyq banktiń qyzmetine qatysty ózekti máseleler talqylandy. Sonymen qatar respýblıkalyq búdjettiń oryndalýy, ınflásıany tómendetý, aqsha-nesıe saıasaty, «Bankter jáne bank qyzmeti týraly» jańa zań jobasy, ekonomıkanyń naqty sektoryn kredıtteý, sondaı-aq Ulttyq banktiń altyn-valúta aktıvteriniń jaǵdaıy qarastyryldy.
