Reseı Federasıasynyń Amýr oblysynda jolaýshylar ushaǵy apatqa ushyrady, dep habarlaıdy bairaqmedia.kz.

Amýr oblysynda An-24 ushaǵynyń qulaǵan jeri anyqtaldy.

- Jedel-izdestirý sharalary barysynda Reseı avıasıasynyń Mı-8 tikushaǵy ushaqtyń fúzelájyn anyqtady, órt shyǵyp jatyr. Qutqarýshylar oqıǵa ornyna barýdy jalǵastyryp jatyr, - dep habarlady TASS agenttigine RF TJM baspasóz qyzmeti.

An-24 ushaǵynyń synyqtary Tyndadan 16 shaqyrym jerdegi taý baýraıynan anyqtaldy, dep habarlady Amýr azamattyq qorǵanys jáne órt qaýipsizdigi ortalyǵy.

Amýr oblysynda joǵalǵan An-24 jolaýshylar ushaǵy Tynda áýejaıyna qonýǵa ekinshi aınalymnan keıin baılanysqa shyqpaı qoıǵan.

- Aldyn ala málimet boıynsha, búgin saǵat 13:00 shamasynda (Máskeý ýaqytymen 07:00 – TASS) Habarovsk – Blagoveshensk – «Angara» áek kompanıasynyń (Irkýtsk) Tynda baǵyty boıynsha ushyp kele jatqan An-24 ushaǵynyń ekıpajymen baılanys úzilgen. Tynda áýejaıyna qonýǵa ekinshi ret jaqyndaǵan kezde ushaq ekinshi qonýǵa bet aldy, sodan keıin onymen baılanys úzildi. Áýe kemesiniń ornalasqan jeri anyqtalǵan joq, izdestirý-qutqarý operasıasy uıymdastyryldy, - delingen Qıyr Shyǵys kólik prokýratýrasynyń habarlamasynda.

Oqıǵanyń mán-jaıy anyqtalyp jatyr. Tynda kólik prokýratýrasy Baıkal-Angara kólik prokýratýrasymen birlesip ushý qaýipsizdigi zańnamasynyń saqtalýyna tekserý uıymdastyrdy.