«Qaırat» klýbynyń qaqpashysy, qazaq fýtbolynyń jańa juldyzyna aınalǵan Temirlan Anarbekov Instagram-daǵy paraqshasynda jazba jarıalap, qoldaý kórsetken barsha qazaqstandyqtarǵa alǵys bildirdi, dep habarlaıdy bairaqmedia.kz.
«Búkil Qazaqstanǵa jáne ár jankúıerge qoldaý kórsetkeni úshin rahmet! Bul jetistik - bárimizdiń ortaq jeńisimiz. Birge biz myqtymyz», - dep jazdy ol.
Aıta keteıik, 21 jastaǵy «Qaırat» qaqpashysy Temirlan Anarbekov Chempıondar lıgasynyń pleı-off kezeńinde «Seltıkpen» qarymta machtyń basty qaharmany atanyp, almatylyq klýbtyń tarıhı jetistikke jetýine kómektesti.
