Álemdik dinder kóshbasshylarynyń sezine kelgen meımandar Taıaý Shyǵystaǵy ahýalǵa qatysty ashyq pikir almasýy kerek. Bul týraly Álemdik jáne dástúrli dinder kóshbasshylarynyń VIII Cezinde Prezıdent Qasym-Jomart Toqaev málim etti.
Prezıdent forýmǵa kelgen Máskeý jáne búkil Reseı patrıarhy Kırılge alǵysyn aıtyp, onyń osy Sezge qatysýy dástúrli dinder kóshbasshylarynyń aldaǵy dıalogyn keńeıtip, forýmnyń tabysty ótýiniń mańyzdy faktory bolatynyn jetkizdi.
Memleket basshysynyń sózine qaraǵanda, Álemdik jáne dástúrli dinder kóshbasshylarynyń Cezi qurylǵan sátten bastap Mysyrdaǵy ál-Azhar ýnıversıteti tıisti qoldaý jasap keledi.
- Sondyqtan zor rızashylyq bildiremiz. Mysyrdaǵy ál-Azhardyń bas ımamyn búkil álem qazirgi ıslam órkenıetiniń kórnekti oıshyly retinde qurmet tutatady. Joǵary mártebeli doktor, sheıh Ahmet at-Taıypty qazaq eli ózine dos sanaıdy. Sonymen qatar, mártebeli meımandardyń qatarynda Dúnıejúzilik ıslam lıgasynyń Bas hatshysy sheıh Muhammed Ál-Isa bar. Islam lıgasy barsha adamzatty izgilikke shaqyratyn mańyzdy halyqaralyq uıym ekeni belgili, - dedi Qasym-Jomart Toqaev.
Sonymen qatar Prezıdent búgingi basqosýǵa arnaıy kelgen álemdik jáne dástúrli dinderdiń ózge de kóshbasshylaryna, BUU basshylyǵyna, halyqaralyq uıymdarǵa, saıasatkerler men sarapshylarǵa alǵysyn aıtty.
- Qazir Taıaý Shyǵystaǵy ahýal asa kúrdeli ekeni jasyryn emes. Sizderdiń osy jıynǵa qatysýlaryńyz ashyq pikir almasýǵa, beıbitshilik pen kelisimge degen shynaıy umtylysty kórsetedi. Biz muny joǵary baǵalaımyz, - dedi Memleket basshysy.
