Almaty burynǵy áıelin soqqyǵa jyqqan er adam ustaldy, dep habarlaıdy Almaty qalalyq polısıa departamentiniń baspasóz qyzmeti.

Polısıanyń málimetinshe, 28 tamyzda Jetisý aýdandyq polısıa basqarmasyna qala turǵynynyń dene jaraqatyn alǵany týraly habarlama kelip túsken.

Atalǵan derek boıynsha 36 jastaǵy er adamǵa qatysty Qazaqstan Respýblıkasy Qylmystyq kodeksiniń 107-babyna sáıkes qylmystyq is qozǵalǵan. Kúdikti ustalyp, ýaqytsha ustaý ızolátoryna qamaldy.

"Almaty qalasynyń polısıasy azamattarǵa qatysty kez kelgen quqyqbuzýshylyq deregi boıynsha qaǵıdatty ustanymda. Barlyq materıal obektıvti túrde qaralyp, tergeý aıaqtalǵannan keıin qoldanystaǵy zańnamaǵa sáıkes qatań sharalar qabyldanatyn bolady", - delingen habarlamada.