Elimizge belgili ánshi Toqtar Serikovtiń mekteptegi alǵashqy mahabbaty ekeýiniń arasynda ne bolǵanyn baıandap berdi, dep habarlaıdy bairaqmedia.kz.

Habar arnasyndaǵy «Benefıs shoý» baǵdarlamasynda Aıgúl Kóbekova esimdi áıel Beıbittiń kóz aldynda Toqtar Serikovtiń sezimge toly hattaryn jarıa etti.

«Toqtar ekeýmiz 1990 jyly Almaty qalasyndaǵy respýblıkalyq qazaq tili men ádebıetin tereńdetip oqytatyn №2 mektep-ınternatqa birge kelgenbiz. Ol «B» synybynda oqysa, men «A» synybynda oqyp, ınternattyń nanyn bólisip jep, óstik. Toqtar ekeýmizdiń mahabbatymyz sol jerden bastaldy. Respýblıkalyq olımpıadalarǵa birge baratynbyz. Bizdiń mahabbatymyzdy búkil mektep, muǵalimder biletin. Toqtardyń tolassyz hattary, tolassyz ánderin synyptastarymyz maǵan arnalǵan dep oılaıtyn», - dedi ánshiniń alǵashqy mahabbaty.

Toqtar Serikov bul bala kezde bolǵan mahabbat ekenin aıtyp, ábden aqtaldy.

«Bul Aıgúl Kóbekova degen Qyzylordanyń qyzy. Aıtysker bolatyn. Aıtarlyqtaı qol ustasyp, uzaq júrgen joqpyz. Biraq hat jazǵanym ras, onyń minezi tik edi, sodan ekeýmiz jaraspadyq. Keıin kúıeýge tıdi», - dedi Toqtar Serikov.