«Astana Motors» kompanıasynyń negizin qalaýshy Nurlan Smaǵulov «Qaırat» bapkeri Rafael Ýrazbahtın men qaqpashy Temirlan Anarbekke qurmet kórsetip, syı jasady, dep jazady bairaqmedia.kz.

qsport.kz ınstagram paraqshasynyń málimetinshe, bas bapker Rafael Ýrazbahtınge sý jańa Hyundai Palisade kóligi, al penaltıde úsh soqqyny qaıtarǵan qaqpashy Temirlan Anarbekke  Apple MacBook syılandy.

Jýrnalıs Dıas Nuraqyn eldi álemge tanytqan qaqpashyǵa aıpad syılaý - sarańdyq dep otyr. 

«Aq shlápa kıgen aǵam Forbs tiziminen túspeıdi. Elimizdegi Mega sentrdiń bári osy kisiniki. Minip júrgen «otandyq» kóliktiń bári osy kisiniki. Ol azdaı Toıota, Leksýs, BMV, Haval sıaqty sheteldik brendterdiń resmı dıstrıbútory bolyp alǵan. Qysqasy qarjysy qaltasyna syımaı jatyr. Baılyǵy bes oblystyń búdjetin basyp ozady. Biraq sál sarańdaý sıaqty. Búgin Qaırat klýbynyń bas bapkerine kólik mingizipti. Al, 120 mınýtta juldyzy janyp, komandasyna jeńis syılaǵan qaqpashy Temirlan Anarbekovke aıpad beripti. Aıpadty men aq bere salar edim ǵoı. Nurlan Smaǵulov kókem Temirlanǵa tolyp jatqan temir tulparynyń birin qımaı qalypty. Jylyna 45 myń kólik qurastyramyz dep bóskende bórki kókke jetedi. Bir kem dúnıe aı. Berseń ekeýine de ber, bermeseń tymyraıyp jata berseńshi…»,-dep jazdy ol kúıine. 

Áleýmettik jeli qoldanýshylary da qaqpashynyń eńbegi laıyqty baǵalanbady dep túrli pikir qaldyrǵan.

«Bermeı-aq qoımadyńdar ma», «Qaqpada turǵan Anarbekov edi ǵoı. Kámpıt berip aldaǵandaı bolypty. MasBook bergeni nesi», «Uıat. Eńbegin baǵalaý kerek. Temirlan til-kózden aman bolsyn» «Kóliktiń fonyna qoıyp makbýk berdi. Uıatyn-aı», - dep jazyp jatyr olar.

Aıta keteıik, almatylyq klýb tarıhyndaǵy alǵash ret Chempıondar lıgasynyń jalpy kezeńine joldama alǵan bolatyn.