Túrkistan men Shymkent qalalarynda «Saltanat» memlekettik bı ansambliniń 70 jyldyǵyna arnalǵan kesh ótti, dep habarlaıdy bairaqmedia.kz

Balet artıseri myń burala bılep, qazaq halqynyń jáne álem halyqtarynyń bıin asqan sheberlikpen oryndady.

Atalǵan sharaǵa Túrkistan oblysy ákiminiń orynbasary Ertaı Altaev arnaıy qatysyp, bı ujymyn 70 jyldyq mereıtoıymen quttyqtady. Birqatar maman alǵys hatqa ıe boldy. 

Bıyl «Saltanat» memlekettik bı ansambline 70 jyl. Osy aıtýly mereıtoıǵa oraı alǵash ret «Bı kerýeni» atty joba elimizdegi eń kóne ári tarıhı, mádenı turǵydan asa mańyzdy oryn alatyn kıeli Túrkistan qalasynan bastaý aldy.  Kórermender erekshe áserge bólenip, óner ujymyna qurmet-qoshemet kórsetti.

Ansámbldiń balet artıseri gastróldik sapar kezinde Túrkistan qalasynyń  turǵyndarymen álemge áıgili ánshi, QR halyq ártisi Dımash Qudaıbergenniń aqyn Sáken Seıfýllınniń sózine jazylǵan, jýyrda ǵana beınebaıany jaryqqa shyqqan «Taý ishinde» ánine fleshmob túsirdi. Qazaqstan Respýblıkasynyń Memlekettik Ánuranyn oryndady.  Ansámbl óskeleń urpaqqa ǵajaıyp óner arqyly estetıkalyq tárbıe berip, jastardyń ulttyq patrıottyq sana sezimin qalyptastyrý jolynda aıanbaı óner kórsetip keledi.

Aıta keteıik, «Bı kerýeni» jobasy aıasynda Túrkistan men Shymkent qalalarynda sheberlik saǵattary uıymdastyrylyp, óńirdegi bı ujymdaryna tájirıbeli mamandar bı óneriniń qyr-syrymen bólisti. Túrkistan qalasynan 200, Shymkent qalasynan 100-den asa horeograf sheberlik saǵatyna qatysty.

Ár qatysýshyǵa tegin sertıfıkat tabystaldy. Bul joba kúzde Batys, Shyǵys, Soltústik Qazaqstan óńirinde jalǵasyn tabady.