Tanymal ánshi Sáken Maıǵazıev 2 myń adamǵa dúrkiretip toı jasamaq. Qazir óner ıesi toıdyń qyzý daıyndyǵyna kirisken, dep habarlaıdy bairaqmedia.kz

Óner juldyzy uly Ádilet pen bolashaq kelini Ádıanyń toıyna daıyndyq barysy jaıly Istagram jelisinde bólisti. Shaqyrtý taratýdyń ózine biraz ábiger bolǵanyn jazyp, ekioıly qonaqtardyń jaýabynan sharshaǵanyn málimdedi.

Toıdy uıymdastyrýdy tanymal prodúser Jan Muqanov moınyna alypty.

Bul Sáken men Dınara Maıǵazıevterdiń jalǵyz ulynyń úlken qýanyshy. Jaı ǵana qýanysh emes - eldiń mádenı ómirindegi erekshe sát. Sol sebepti men bas prodúser retinde barlyq dekoratorlardy, dızaınerlerdi, uıymdastyrýshylardy, óner men sulýlyqty túsinetin seriktesterdi resmı túrde shaqyramyn - birge úlken mádenı oqıǵany jasap shyǵaraıyq, - dep jazdy prodúser.

          Bir qyzyǵy ulan-asyr toıǵa eki myń adam shaqyrylǵanymen meıramhanaǵa  tek myń qonaq syıady eken.

«Keshke 2000 adam shaqyrylypty. Biraq meıramhanadaǵy oryn ári ketse, myń orynǵa eseptelgen. Sondyqtan tizimdi qarap, “Kimdi qıamyz, aǵaıyn?” – dep oılanyp otyrmyn», – deıdi prodúser.

Jan Muqanov bul toıdy barynsha erekshe qylyp uıymdastyrmaq. Onda qyzyl kilemnen basqa, toıdyń tikeleı kórsetilimi de bolmaq. 

Aıta keteıik, «MýzART» tobynyń múshesi jańaózendiktermen quda bolǵaly jatyr.

Sáken Maıǵazıevtiń shańyraǵyndaǵy qudalyq maýsymnyń altysynda ótedi.