Qazaq boksshysy Sadrıddın Ahmedov (15-0, 13 KO) Kalıfornıa shtaty, Kommers qalasynda ótken boks keshinde teń nátıje kórsetti, dep habarlaıdy Bairaqmedia.kz.

Ahmedov meksıkalyq boksshy Elıas Espadaspen (23-6, 16 KO) judyryqtasty. Bul jekpe-jek birinshi orta salmaqta ótti jáne on raýndqa josparlanǵan bolatyn. Qarsylasý teń nátıjemen aıaqtaldy.

Osylaısha, Sadrıddın Ahmedov kásipqoı mansabynda alǵash ret jeńiske jete almady. Buǵan deıin ol qatarynan 15 jekpe-jekte jeńiske jetken. Al Elıas Espadas úshin bul – mansabyndaǵy jetinshi jeńilis.

Aıta keteıik, bul – Ahmedovtiń 2025 jylǵy alǵashqy jekpe-jegi. 2024 jyly ol eki kezdesý ótkizip, ekeýinde de qarsylastaryn nokaýtpen jeńgen bolatyn: amerıkalyqtar Antonıo Todd (17-12, 9 KO) pen Rafael Igbokveni (17-6, 7 KO) merziminen buryn toqtatqan edi.