Qazaqstannyń halyq ártisi Maqpal Júnisova jýrnalıs Dına Tólepbergenge bergen suhbatynda qyzy Mereıdiń turmys qurǵanyn kórip, áje bolýdy armandaıtynyn aıtty, dep habarlaıdy Azattyq Rýhy.

«Jaqsy jigit kezdesse, erterek turmysqa shyǵyp ketseıshi dep jıi aıtamyn. Roza Rymbaeva sıaqty nemere súıgim kelip júr. Balany qushaqtap alyp, basqasha ómirge engim keledi. Sol kúndi asyǵa kútip júrmin. Sony qyzyma aıtsam, «mama, men áli jaspyn ǵoı, 22-ge endi toldym. Menen qutyla almaı otyrsyń ba?» degen áńgimeler aıtady. Bir jaǵynan bir túrli bolyp qalady ekensiń. Sosyn, «joǵa, júre ber, buıyrǵany bolar» dep basý aıtamyn», - deıdi ánshi.

Eske sala keteıik, jaqynda Maqpal Júnisova marqum kúıeýi Zamanbek Nurqadilovtyń Kegendegi eskertkishine gúl shoǵyn qoıdy. Ol jantebirenterlik sáttiń vıdeosyn áleýmettik jelidegi paraqshasynda jarıalady.

«Kegendegi mektepke atyn berip, bir bólmesinde Zákeńe arnap murajaı jasapty, soǵan Zákeńniń biraz dúnıesin tabystap kettim. Kegendik ákimshilikke kóp raqmet!», - dep jazdy Maqpal Júnisova.

Jeli qoldanýshylary ánshiniń bul ıgilikti isin qup kórip, alǵysyn jaýdyryp jatyr.