Akter Oljas Abaı Revue News-ke bergen suhbatynda balaly bola almaǵanyna áıelin kinálap júrgen er adamdarǵa úndeý jasady, dep habarlaıdy bairaqmedia.kz.

Óner ıesi jaqynda jaryq kórgen fılminde qoǵamdaǵy ózekti máselelerdiń biri – áıeldi bedeýlik úshin kinálaý taqyrybyn kótergenin aıtty. Onyń keıipkeri de dál osyndaı jaǵdaıdy bastan ótkeredi.

«Kınoda qolymnan kelgenshe kórsettim. “Bala nege týmaısyń?” dep synap jatady. Ol áıeldiń qolynda emes qoı. “Maǵan ul bala kerek. Tórt qyzdan keıin qaıta qyz týyp jatyrsyń” dep aıtatyndardy múldem túsinbeımin. Ondaı adamdar qalaı oılanatynyn bilmeımin. Ol Qudaıdyń qolynda. Adamnyń mıyna syımaıtyn nárse ǵoı», – dedi akter.

Oljas Abaı er azamattarǵa oı salatyn sóz aıtty:

«Qyz týsa da, ul týsa da – ol Qudaıdyń bergeni. Oǵan razy bolý kerek».

Akterdiń aıtýynsha, bul taqyrypty qozǵaý arqyly ol qoǵamdaǵy otbasylyq túsinik pen er adamnyń jaýapkershiligine nazar aýdarǵysy kelgen.