Tanymal akter Nartaı Saýdanbekuly óziniń Facebook-tegi paraqshasynda qoǵam qaıratkeri Bekbolat Tileýhan týraly jazdy, dep habarlaıdy bairaqmedia.kz.

Onyń aıtýynsha, eks-prezıdent Nursultan Nazarbaev týraly jaman pikir aıtpaǵan sanaýly adamdardyń biri — Bekbolat Tileýhan.

«Bekeńniń án ónerine qosqan úlesi ushan teńiz. Keıin án, óner zertteýshiler Bekeńniń óz baǵasyn bere jatar. Biraq óz basym bul kisini fenomen dep bilem. Maǵaýın 7 ǵasyrdy jyrlatyp túgendegeni qandaı qundy bolsa Bekeńniń sol jyraýlar nasıhatyn kúıge salyp bizdiń qulaqqa jetkizgeni sodan kem emes dúnıe. Qaztýǵan, Aqtamberdi jyraýlardyń jyryn, Abaı óleńderin anandaı qylyp jyrlaý... áı bilmeımin basqa bireýdiń qolynan kele qoımas aý sirá.

Qazaqta shamań kelse "Shamany" shyrqashy dep jatady. Bekeńniń Shamany shyrqaýy qandaı.
Qaıran da meniń edilimniń ar jaǵyndaǵy dombyra partıasy tipti sumdyq endi. Solardyń bárin bir maqtaý sózge syıdyryp aldyna tóge saldym ne bolsa da. Myqtyny myqty deı bilý kerek qoı. Bir jyly sóz qımaıtyn tas baýyr bop baramyz áıtpese.

Sosyn sózim sóz. Buryńǵy prezıdentti jamandamaǵan eki-úsh aq adam bolsa sonyń biri osy Bekeń. Aıaǵyna deıin adaldyǵynan aınymady. Tipti Myrzekeń aýnap túsip jatsa daǵy, óz basyna taıaq pen sóz qarsha borasa da aınymady. Al bul naǵyz erkekke tán qasıet. Aman bolyńyz aǵa», - dep jazdy ol.