17 qyrkúıekte elimizdiń 17 óńirinde qolaısyz aýa raıyna baılanysty daýyldy eskertý jarıalandy, dep habarlaıdy bairaqmedia.kz.

Órt qaýpi: Batys Qazaqstan, Almaty, Atyraý, Jambyl, Túrkistan, Aqtóbe, Mańǵystaý oblystarynda joǵary jáne tótenshe órt qaýpi saqtalady.

Jel: Almaty, Jetisý, Túrkistan, Jambyl jáne Qaraǵandy oblystarynda jeldiń ekpini 15-20 m/s deıin kúsheıedi.

Tuman: Ulytaý, Qaraǵandy, Qostanaı, Soltústik Qazaqstan oblystarynda túnde jáne tańerteń tuman kútiledi. Soltústik Qazaqstanda túnde 1°S aıaz boljanǵan.

Naızaǵaı: Qaraǵandy, Ulytaý, Shyǵys Qazaqstan, Abaı, Pavlodar jáne Aqmola oblystarynda naızaǵaı kútiledi. Túrkistan oblysynyń taýly aımaqtarynda naızaǵaımen qatar daýyl soǵady.

Shańdy daýyl: Qyzylorda oblysynyń ortalyq jáne ońtústik aımaqtarynda shańdy daýyl boljanyp otyr.

Sınoptıkterdiń boljamynsha, aldaǵy kúnderi Qazaqstannyń kóptegen óńirinde aýa raıy turaqsyz bolady. Mamandar azamattarǵa saqtyq sharalaryn qatań ustanýdy eskertedi.