Qazaqstandyq sportshylar konkýr boıynsha Eýrazıalyq Lıgadaǵy Álem kýbogy kezeńinde júldeli oryndarǵa ıe boldy, dep habarlaıdy Bairaqmedia.kz.

17–20 sáýir aralyǵynda Tashkentte (Ózbekstan) konkýrdan Eýrazıalyq Lıgadaǵy Álem Kýbogynyń kezeńi ótti. Qazaqstan bul bedeldi týrnırge alǵash ret qatysyp otyr.

Elimizdiń namysyn qorǵaǵan eki sportshy da júldeli oryndarǵa ıe boldy: Ksenıa Batalova Lady Di tulparymen (160 sm bıiktiktegi 6-shy marshrýtta) kúmis júldeni ıelendi. Nurıla Týrysbekova Nagano B atty tulparmen (130 sm bıiktiktegi 5-shi marshrýtta) qola medalǵa ıe boldy.

Jarysqa Qazaqstan, Ózbekstan, Qyrǵyzstan elderiniń myqty shabandozdary qatysty. Bul Eýrazıalyq lıganyń kúntizbesine engizilgen jáne Halyqaralyq maýsymnyń mańyzdy kezeńi bolyp tabylady. Qazaqstandyq sportshylardyń bul jarystardaǵy nátıjesi halyqaralyq arenada básekege qabiletti ekendigin taǵy da dáleldeıdi.