Qazaqstan Respýblıkasynyń Prezıdenti Qasym-Jomart Toqaevty Ankara qalasynyń «Esenboǵa» áýejaıynda Túrkıa Prezıdenti Rejep Taııp Erdoǵan qarsy aldy, dep habarlaıdy bairaqmedia.kz Aqordaǵa silteme jasap.

Memleket basshysyn kútip alý úshin trap aldynda qurmet qaraýyly sap túzep turdy.

Áýejaıda eki el prezıdentteri az-kem áńgimelesti.

– Qonaqjaılyq tanytqanyńyzǵa kóp raqmet. Áýejaıǵa kelip, meni qarsy aldyńyz. Bul men úshin úlken qurmet. Bizdiń aramyzda eshqandaı túıtkil joq. Bizdi tek týystyq, yntymaqtastyq baılanystyrady. Erteń mańyzdy sapar bolady. Sapardyń baǵdarlamasy óte mazmundy. Ony tolyq iske asyramyz dep oılaımyn, – dedi Qasym-Jomart Toqaev.

Erteń, ıaǵnı 29 shilde kúni memleketter basshylary qazaq-túrik strategıalyq seriktestigin odan ári nyǵaıtý perspekıvasyn talqylap, kelissóz júrgizedi.