Dıkıı Arman" degen atpen tanymal Arman Jumageldıevtiń anasy Roza Jumageldıeva qaıtys boldy, dep habarlaıdy bairaqmedia.kz.
Sýyq habardy Armannyń dosy Nurjan «Noıs» Imanálıev Instagram-daǵy paraqshasynda jetkizdi.
«Búgin júregimizdi aýyrtqan qaraly habar jetti... Ardaqty dosymyz Armannyń asyl anasy, qadirli Roza apaı ómirden ozdy. Jaratqan ıemiz onyń janyn jánnattyń eń joǵary dárejesi - Fırdaýs jánnatyna ornalastyrǵaı. Roza apaıymyz ımandy, parasatty, sabyrly, tekti, aqylgóı jan edi.
Taǵdyrdyń aýyr synaqtaryn bastan ótkerdi... Jalǵyz ulyna uzaq jyl jaza berilip, balasynyń basyna bult úıirilgen qıyn kezeńder boldy. Biraq ana júregi sonyń bárine tózip, balasynan eshqashan teris aınalǵan joq. Aqyrǵy demi aldynda da Qostanaıǵa baryp, ulyn kórip qaıtty... Sol sátten keıin júrek aýyrtpalyǵyna shydaı almaı, aýrýhanaǵa túsip, sol jerde Jaratýshysyna qaıtty. Qandaı aýyr synaq...
Ana júregi, ana meıirimi balasynyń qasynda, balasy úshin týlaǵan kúıde sońǵy saparǵa attandy. Baýyrlar, jamaǵat, dostar — Armandy tanyǵan, biletinder, bir mezet qol jaıyp Roza apaıymyzǵa duǵa arnaıyq. Alla Taǵala Roza ananyń janyn raqymyna alyp, kúnálaryn keshirip, qabirin nurǵa bólesin. Arman baýyryma sabyr men kúsh-qýat, tózim men shyn ıman bersin. Juma kúni dúnıe salǵan adamnyń dárejesi bıik delinedi. Bul da Allanyń erekshe tańdaýy bolar...
Iá Alla, bul anamyzdy rahmetińe bólep, artynda qalǵan balasyna sabyr men bekemdik bere gór», — dep jazdy ol.
