Indronezıa prezıdenti Prabovo Sýbıantonyń Bobbı Kertanegara degen laqap at qoıylǵan mysyǵyna resmı túrde memlekettik kúzet beriletin boldy, dep habarlaıdy BAQ.KZ tilshisi South China Morning Post-qa silteme jasap.

Budan bylaı janýar Merdeka saraıynda kúzet arqyly júrip, únemi qaýipsizdik qyzmetiniń baqylaýynda bolady.

Prezıdent ákimshiligi mysyq memleket basshysynyń jeke menshigi ekendigin, demek ózge prezıdenttik múlikpen teń deńgeıde kúzetiletindigimen túsindirip otyr. Bul sheshim qoǵamdyq rezonans týdyrdy. Mysyqty kútýge jumsalatyn shyǵyndarǵa qatysty syndar aıtylyp jatyr. Degenmen jyly qoǵamdyq beıneni qalyptastyrdy dep jaqtaǵandar da tabyldy.

Indonezıanyń «birinshi mysyǵyn» endi polıseıler alyp júredi.

Máselen, Cat Lovers Social Day 2025 jıynynda mysyqty úsh polıseı kúzetken. Memlekettik hatshynyń orynbasary Iýrı Ardıantoro mysyqtyń jeke kúzetke quqyǵy bar dep otyr. Ol munyń esh ábestigi joqtyǵyn aıtyp, aǵynan jaryldy.

Indonezıa prezıdent Prabovo Sýbıanto bul mysyqty 9 jyl buryn kósheden taýyp alyp, asyraǵan. Sol kezden beri Bobbı tek Indonezıada ǵana emes, álemge tanymal bola bastady. Avstralıanyń premer-mınıstri Entonı Albaneze Djakartaǵa sapary kezinde mysyqqa «Avstralıa Indonezıany jaqsy kóredi» degen jazýy bar sharf syılap, resmı keshki asta ózi tamaqtandyrǵan. Prezıdenttiń janýarynyń atynan tipti, áleýmettik jelide paraqshalar ashylǵan. Máselen, Bobbıdiń Instagram-ynda mıllıon oqyrmany bar.