Olımpıada chempıony Baqyt Sársekbaev jattyqtyratyn 22 jasqa deıin Qazaqstan quramasy Azıa chempıonatyna attandy, dep habarlaıdy bairaqmedia.kz.

1bol málimetinshe, qurlyq birinshiligi 30 shilde men 12 tamyz aralyǵynda Taılandtyń Bangok qalasynda ótedi. Jarysty alǵash ret World Boxing uıymy ótkizedi.

Jaýapty básekege sportshylardy daıyndaǵan Olımpıada chempıony Baqyt Sársekbaev Almatydaǵy bazarlardyń birinen 40 keli jylqynyń qazysyn satyp alǵan. Bul týraly áleýmettik jelide jarıa boldy.

Bapker Taılandtaǵy tamaq máziri qazaqstandyq sportshylarǵa asa qolaıly emes ekenin jaqsy biledi. Sondyqtan ózimen birge qazy alyp ketýdi jón kórgen.

Azıa chempıonatynda Nurzat Ońǵarov, Beksultan Boranbek, Nurıslam Qaldybaev, Ilá Kalının, Nurbek Mursal, Aman Qonysbekov, Sanjaráli Begalıev, Azatbek Joldasqan, Temirlan Muqataev jáne Nurasyl Asylhan sekildi boksshylar el namysyn qorǵaıdy.