Tanymal túrik akteri, ánshi Ózjan Denız áleýmettik jelilerde anasy Kadrıe Denız ben aǵasy Erjan Denızdi jeke ómirine aralasyp, satqyndyq jasady dep aıyptady, dep habarlaıdy turkystan.kz.
«Meniń ómirimdi tozaqqa aınaldyrdyńdar», – dep jazdy Ózjan, ol Instagram-da anasy men aǵasyn óshirip tastaǵan.
Kadrıe Denız jaýap retinde: «Men úshin adaldyq otbasylyq baılanystan da mańyzdy. Endi meni senimen eshteńe baılanystyrmaıdy: merekelerde de kórispeımiz, amandaspaımyz da», – dep málimdedi.
Áleýmettik jelidegi derekkózderge sáıkes, janjaldyń sebebi – qarjy men jeke kelispeýshilikter, sondaı-aq Ózjannyń otbasy týraly derekti fılm túsirý jospary. Bul oqıǵa áli jalǵasýy múmkin.
