Memleket basshysy X áleýmettik jelisindegi paraqshasynda aldaǵy Ulttyq dombyra kúnimen quttyqtady, - dep habarlady bairaqmedia.kz.

"Dombyra – ult bolmysy, halyq qazynasy. "Qazaq – naǵyz qazaq emes, naǵyz qazaq – dombyra". Ásirese, óskeleń urpaqtyń dombyraǵa degen yqylasy erekshe. Jastar tól mádenıetimizdi tereń túsinip, salt-dástúrimizge qurmetpen qaraıdy. Bul – óte jaqsy úrdis. Óıtkeni ata-babalarymyzdyń mádenı murasyn kózdiń qarashyǵyndaı saqtaý – naǵyz otanshyldyqtyń kórinisi.

Otanǵa súıispenshilik – memlekettiligimizdiń temirqazyǵy. Qazaqstan jastarynyń muny jaqsy túsinip, qoldaıtynyna rızamyn. Memleket rýhanıat salasyn barynsha damyta beredi.

Dástúrli ónerdiń dúldúlderi Qaırat Baıbosynov "Qazaqstannyń Eńbek Eri", Aıgúl Úlkenbaeva, Aıgúl Qosanova "Qazaqstannyń halyq ártisi" ataǵyna ıe boldy. Qasıetti qara dombyranyń kúmbirin búkil álemge pash etip júrgen azamattarǵa alǵys aıtamyn", - dep jazdy Qasym-Jomart Toqaev óziniń X paraqshasynda.

Elimizde 2018 jyldan beri shilde aıynyń alǵashqy jeksenbisi Ulttyq dombyra kúni retinde atalyp keledi.