Senat mindetti áleýmettik medısınalyq saqtandyrý jáne medısınalyq qyzmet kórsetý máseleleri boıynsha túzetýlerdi maquldady, dep habarlaıdy Bairaqmedia.kz.

Bul ózgeristerdiń maqsaty – medısınalyq kómektiń qoljetimdiligi men sapasyn arttyrý, qarjy aınalymynyń ashyqtyǵyn kúsheıtý jáne MÁMS júıesiniń turaqtylyǵyn nyǵaıtý.

Sondaı-aq halyqty saqtandyrý júıesimen qamtýdy keńeıtý, medısınalyq qyzmet kórsetý salasynda baqylaý jáne jedel áreket etý tetikterin engizý qarastyrylǵan.

ENGİZİLGEN BASTY ÓZGERTÝLER:

• Jumyssyzdar men áleýmettik osal toptardyń medısınalyq kómekke qoljetimdiligi qamtamasyz etiledi (olar úshin jarnany jergilikti ákimdikter tóleıdi); 
• MÁMS qarajatynyń qozǵalysy men paıdalanylýy týraly derekterdi mindetti túrde jarıalaý engiziledi;
• Qyzmet sapasyz kórsetilgen jaǵdaıda qarajatty qaıtarý tetigi kózdelgen;
• Medısınalyq qyzmet kórsetý salasyndaǵy zańbuzýshylyqtarǵa jedel den qoıý jáne baqylaý mehanızmi ornatylady;
• Jasýshalar, tinder men gemopoetıkalyq diń jasýshalaryn transplantasıalaý qyzmeti lısenzıalanatyn bolady;
• Sırek (orfandyq) aýrýlary bar naýqastar dári-dármekpen tegin qamtamasyz etiledi – bul shyǵyndar MÁMS jáne basqa kózder esebinen jabylady;
• I toptaǵy múgedektigi bar, zeınet jasyndaǵy adamdardyń jubaılaryna olardyń jeke kómekshisi bolý quqyǵy bekitiledi;
• «Adam aǵzasy», «adam jasýshasy», «áleýmettik máni bar aýrýlar» uǵymdary naqtylandy.