Basy daýǵa qalǵan dástúrli ánshi Narkenje Serikbaevanyń tuńǵyshy anasynyń ne úshin keshirim bergeni týraly jazba jarıalady, dep habaralaıdy bairaqmedia.kz

Jansaıa Serikbaevanyń aıtýynsha, anasy bul oqıǵada kóregendik tanytqan. 

Men Anammen árqashan maqtanamyn, bul joly da erlik jasap eshkim qozǵaı almaı júrgen, qoǵamnyń basty dertin qozǵady. Bul, árıne, barlyq mekeme basshylaryna sabaq bolǵany sózsiz. Barlyq áleýmettik jelide bireýińiz, jaqtasańyzdar, bireýińiz dattap jatyrsyzdar, Endi kelip, bloger, jýrnalıs symaqtar haıp qýalap anamdy mazaqqa aınaldyryp jatyr, meıli biz qashan da myqtymyz. Bul synaqtan da oınap-kúlip bas kóterip ótip ketemiz.
Bul jaǵdaı bizge kimniń kim ekenin tanytty, buryńǵydan da shyńdaı tústi. Bizdiń qoǵamnyń álsiz jeri de osy basqa basqa bireýdi jerden alyp, jerge salyp tabalaýǵa shebermiz. Meıli halyq ne demeıdi? Men bárin Allaǵa tapsyrdym. Degenmen meniń kórgenim basqa dúnıe. Anama qoldaý kórsetý úshin osy másele barysynda onyń janynan tabyldym. Jan jaqtan belgili el aǵalary kelip:
— Narkenje qaryndasym, keshirimdi bolaıyq dep eki tarap kelisimge kelińder degende, anam kóregendikke salynyp, el aǵalarynyń sózinen attap kete almaı bizdiń tarapymyzdan keshirim berildi. Negizi bul jaǵdaı rezonans týdyrdy. Sol jerde turyp, mende anama renjip: 
— Nege keshirdińiz? Nege sońyna deıin barmadyńyz?, degen suraqty men de qoıdym. Sol kezde Anam:
— Saıash, Alladan úlken emespiz, úlken basymen el aǵalary aldymyzǵa kelip turǵanda keshirim bermesek, bizdiń adamgershiligimiz qaıda qaldy? —dep, toqtatty. Osylaı eki jaq ortaq sheshimge keldik, - dep jazdy ánshiniń qyzy.

Taǵy oqyńyz: «Aldyma otyr, seni ıiskeýim kerek»: Dástúrli ánshi bastyǵynan qysym kórgenin málimdedi

Aıta keteıik, Narkenje Serikbaevanyń basshylyq tarapynan qysymǵa ushyradym degen vıdeosy áleýmettik jelide keńinen tarap, qoǵam talqysyna túsken edi.