Tanymal ánshi Merýert Túsipbaeva óziniń Instagram-daǵy paraqshasynda Baıan Alagózovadan Qozy Kórpesh – Baıan sulý serıalyna ketken qarjyny qazynaǵa qaıtarýdy talap etti, dep habarlaıdy bairaqmedia.kz.

Onyń aıtýynsha, bul joba búdjet qarajat esebinen túsirilgen, biraq serıal qoǵamnyń, ásirese zıaly qaýymnyń synyna ushyraǵan.

"Bul serıal ulttyq arnada kórsetildi. Demek, halyqtyń salyǵynan jınalǵan aqshaǵa túsirilgen. Al negizgi róldi sol kezdegi ákimniń qyzy oınady. Mundaı «túsiniksiz kastıng» qalaı ótti?", – deıdi ol. 

Óner ıesi  prodúser Baıan Maqsatqyzy bastaǵan top ózine shabýyl jasaǵanyn atap ótti.

"Men tek pikirimdi aıttym. Sodan keıin Baıan, Baǵym, bári jabylyp, boqtady. «Sen eshkim emessiń», «nólsiń», «bezdarnaıa» dep aıtty. Baıanmen birge oqydym. Ol kezde men mýzyka-drama bóliminde oqyp jattym, ol endi ǵana túsken. Men kósheden kelgen adam emespin, bilimdimin. Qolymdaǵy qujattarmen lúboı adamdy qulata alamyn, – deıdi ol.

Aktrısa bul jaǵdaıdan keıin ózin qaralaý naýqany bastalǵanyn aıtyp otyr. Aıtýynsha, synı pikir bildirgeni úshin jeke basyna tıisý jıilep ketken.