Túrkistan oblysynyń bas ımamy Shardarada ákesin soqqyǵa jyqty dep kúdikke ilingen er adamǵa qatysty pikir bildirip, áleýmettik jelide resmı málimdeme jasady, dep habarlaıdy bairaqmedia.kz.

Aıta keteıik, buǵan deıin kúdiktiniń meshitte qyzmet etetini týraly aqparat taraǵan bolatyn.

Oblystyń bas ımamy Erjan Tólepov jazbasyn Facebook paraqshasynda jarıalaǵan. Ol jelide tarap jatqan aqparat shyndyqqa janaspaıtynyn jetkizdi.

"Resmı túrde málimdeımiz: Atalǵan azamat Qazaqstan musylmandary dinı basqarmasynyń din qyzmetkeri emes. Ol meshitte eshqashan azan aıtpaǵan jáne resmı dinı qyzmet atqarmaǵan. Onyń qyzmeti din salasyna qatysy joq, qosymsha toı júrgizýshi (tamada).

Qazaqstan musylmandary dinı basqarmasy mundaı áreketterdi qatań aıyptaıdy. Sonymen birge, ata-anaǵa qurmet - árbir musylmannyń basty mindeti ekenin qalyń jurtshylyqtyń esine salady", - delingen habarlamada.