Astanada ótken bokstan Álem kýbogy kezinde Qazaqstannyń tanymal bylǵary qolǵap sheberi, Ulttyq olımpıada komıtetiniń tóraǵasy Gennadıı Golovkın jankúıerge qoltańba berýden bas tartty, dep jazady bairaqmedia.kz.

Beınejazbada kórermenderdiń biri GGG-den qolǵapqa qol qoıýyn suraıdy. Golovkın qolǵaptaǵy logotıptiń qandaı uıymǵa tıesili ekenin naqtylaıdy. Jaýap retinde IBA ekenin estigen soń, ol sypaıy, biraq naqty túrde qoltańba qoıýdan bas tartady.

Jankúıer bul qolǵapty týysynan syıǵa alǵanyn aıtyp túsindirmek boldy, alaıda bul jaǵdaı World Boxing uıymynyń ókili sanalatyn ataqty sportshynyń sheshimine áser etpedi.

Aıta keteıik, IBA (Halyqaralyq boks qaýymdastyǵy) men World Boxing arasynda burynnan teketires bar. Buǵan deıin Halyqaralyq Olımpıada komıteti IBA-dan olımpıadalyq jarystardy ótkizý quqyǵyn alyp, ony World Boxing uıymyna tapsyrǵan bolatyn. Bul uıymnyń qurylýynda Gennadıı Golovkın mańyzdy ról atqardy.