Ǵalamtorda Amantaı qajynyń Almatynyń ortasynda sýret salǵanyn fotoǵa túsirip alǵan adam ony ákimshilik jaýapkershilikke tartýdy talap etip, jazba jarıalady, dep habarlaıdy bairaqmedia.kz.
"Mynanyń esi durys pa? Raıymbek-Seıfýllın kóshelerinde jóndeýden ótken kópirge kelip, tapa-tal túste esh uıalmaı, mánsiz karıkatýra salyp, búldirip ketti. Bundaılardy ákimshilik jumysqa jegý kerek. Óz jumysyn ózi jýsyn", - dep jazdy kópshilik.
Bul faktige qatysty Almaty qalasy polısıa departamenti pikir bildirdi.
"Almaly aýdandyq polısıa basqarmasynyń qyzmetkerleri osy fakti boıynsha qoldanystaǵy zańnama sheńberinde qajetti sharalar júrgizdi. Quqyq buzýshy qalany abattandyrý erejelerin buzǵany úshin jaýapkershilikke tartylyp, onymen profılaktıkalyq áńgimelesý ótkizildi. Qala kósheleriniń saqtalýy men tazalyǵy - ortaq jaýapkershilik. Azamattardy qoǵamdyq tártip normalaryn qurmetteýge jáne qala kelbetine nuqsan keltiretin áreketterge jol bermeýge shaqyramyz. Biz birlesip Almatynyń tazalyǵy men qaýipsizdigin qamtamasyz etemiz", – delingen habarlamada.
