Tanymal prodúser ári aktrısa Baıan Alagózova Instagram-daǵy paraqshasynda «meshitke áıelder kúıeýimen nemese baýyrlarymen barýy kerek» dep aıtqan ánshi Rústem Júginisovke elden ketýge keńes berdi, dep habarlaıdy bairaqmedia.kz.

Aktrısanyń aıtýynsha, Rústem Júginisov áıelderdiń quqyqtary men erkindikterin qoǵamdyq keńistikte tikeleı shektep otyr.

«Nıkáh dep qyzdan bir rettik jynystyq qatynas surap tur. Eń soraqysy – ánshi Rústem Júginisov qyzdarǵa kúıeýsiz nemese baýyrlarymen birge barmaı, jalǵyz júrmeńder dep keńes berip otyr. Men ýákiletti organdardan onyń áreketine qatysty kem degende túsindirme jumystaryn júrgizýdi suraımyn. Óıtkeni bul – áıelderdiń quqyǵy men erkindigin qoǵamdyq keńistikte tikeleı shekteý.

Biz sharıǵat jolyndaǵy emes, táýelsiz memlekette ómir súremiz. Qyz bolsyn, áıel bolsyn ózi kez-kelgen jerge barýǵa, júrýge quqyly. Aıtqan sózińizge jaýap beresiz be? Adamdardy olaı adastyrmańyz. Sizge unamasa, Aýǵanstan, Iran, Arab elderine kóship ketińiz», – dedi prodúser.