Olımpıada chempıony Eldos Smetov Parıjdegi tarıhı jeńisine týra bir jyl tolǵan kúni Instagram paraqshasynda jankúıerlerine arnap jazba jarıalady, dep habarlaıdy bairaqmedia.kz.
Sportshy Olımpıada altynyna aparar joldyń ońaı bolmaǵanyn, sol sáttiń ómirindegi eń bıik jetistik ekenin aıtyp, ótken kúnderge sheginis jasady.
«Búgin men úshin tarıhı kún de kelip jetti. Osydan týra bir jyl buryn armanyma qol jetkizip, Olımpıada chempıony atandym. Úsh Olımpıadanyń árqaısysy júregimde erekshe oryn alady. Biraq Parıj Olımpıadasynyń altyny men úshin árqashan eń bıigi bolyp qala beredi. Bul – mańdaı ter men eńbektiń aqtalǵan kúni, barlyq marapatymnyń shyńy. Sátsizdikter men qıyndyqtar qatar júrgen joldy eńsergen kún. Arman jolynda kóp nárseden bas tartýǵa, kóp táýekelge barýǵa týra keldi. Barlyq sportshy dál osyndaı baqytty sátti bastan keshirse eken dep tileımin», – dep jazdy Smetov.
