«Qupıa podkastqa» qonaq bolǵan tanymal bloger Eldostyń anasy Janat hanym kópshilikke beımálim ómirlik syrymen bólisti, dep habarlaıdy bairaqmedia.kz.

Áńgime barysynda ol balalardyń ákesi qaıtys bolǵan sátte qatty qorqyp, abdyrap qalǵanyn ashyq aıtty.

«Óıtkeni men tek úıde otyryp, bala baǵýmen aınalysatynmyn. Kúıeýim et satatyn. Shymkentten et tasıtyn. Bir kúni ony atyp ketti. Ne bolǵanyn túsinbeı qaldym. Sol kúni úıden shyǵar aldynda biraz sóılesip, birge turdyq», – deıdi ol.

Anasynyń aıtýynsha, kúıeýin aqsha úshin aldap Shymkentke shaqyrǵan.

«Sol jaqta óltirip, órtep jibergen eken. Kúıeýimniń denesin bólek, basyn bólek jerledik. Basyn tekserýge kesip alyp qalǵan eken. Deneden keıin birneshe kúnnen soń ákelip berdi. Ózim aparyp, denesiniń qasyna jerledim», – dep esine aldy ol.