Tursynbek Qabatovtyń áıeli ári ánshi Móldir Muqanova stan.kz saıtyna bergen suhbatynda otbasyndaǵy jaǵdaı, shyǵarmashylyq joly jáne kıno túsirýdegi bastamasy jaıly ashyq áńgimeledi, dep habarlaıdy bairaqmedia.kz. 

Sońǵy ýaqytta tyńdarmanyn jańa hıt ánderimen qýantqan Móldirdiń ánderi mıllıondaǵan qaralym jınap úlgergen. Buǵan deıin bar ýaqytyn kúıeýi Tursynbektiń shyǵarmashylyǵyna arnaǵan ol qazir jeke damýyna kóbirek kóńil bólip júr.

Ánshi buǵan deıin suhbattarynda ánge qabileti joq ekenin aıtqan edi. Alaıda ol ónerge degen qushtarlyǵyn uzaq jyldar boıy basyp kelgenin moıyndaıdy.

«Án aıta bastasam, Tursynbek “seniń daýysyń joq” dep toqtatatyn. Bir kezderi telearnaǵa júrgizýshi bolǵym keldi, qoldaý kútkenmin. Biraq ol “qolyńnan kelmeıdi” dep ashyq aıtatyn. Sóıtip ózimdi basyp tastadym», – deıdi Muqanova kózine jas alyp.

Móldirdiń ónerin qoldaıtyndar da, syn aıtatyndar da bar. Sońǵy kezde jurt arasynda «Qabatov toqal alǵan» degen qaýeset tarap júrgeni jasyryn emes. Bul týraly ol:

«Qazir jeke ómir týraly kóp aıtpaımyn. Týystaryma, dostaryma “Tursynbek týraly ósek estiseńder, jek kórip ketpeńder” dep aıtamyn. Ol eshkimdi renjitpeıtin jaqsy adam. Ázilderin kórýge konsertke baryńyzdar», – dep jaýap berdi.