Qazaqstanda jyl saıyn shilde aıynyń alǵashqy jeksenbisinde Ulttyq Dombyra kúni atap ótiledi. Bıyl bul mereke búgin, ıaǵnı, 6 shildede toılanbaq, dep habarlaıdy bairaqmedia.kz.

2018 jyly Prezıdenttiń bastamasymen bekitilgen bul mereke ulttyq biregeılikti nyǵaıtýǵa, jastardyń dástúrli mádenıetke qyzyǵýshylyǵyn oıatýǵa jáne urpaqtar sabaqtastyǵyn nasıhattaýǵa baǵyttalǵan.

Qazaqstan Respýblıkasy Mádenıet jáne aqparat mınıstrligi osy kúnge oraı respýblıkalyq is-sharalar josparyn bekitti.

Bıyl el kóleminde 300-ge jýyq is-shara uıymdastyrylady, onyń 200-den astamy óńirlerde josparlanǵan.

6 shilde kúni Almaty qalasyndaǵy MEGA Alma-Ata ashyq alańynda Qurmanǵazy atyndaǵy Qazaq ulttyq halyq aspaptary orkestriniń merekelik konserti ótedi. Sonymen qatar

Kóktóbe saıabaǵynyń alańynda «Dombyra party» atty saltanatty konsert uıymdastyrylady.

Astanadaǵy amfıteatr alańynda Ulttyq Dombyra kúnine arnalǵan merekelik konsert ótedi.

Qazaqstan Respýblıkasynyń Ulttyq mýzeıinde kórnekti kompozıtor Nurǵısa Tilendıevtiń 100 jyldyǵyna arnalǵan konsert uıymdastyrylady.

Jambyl oblysynda, «Kóne Taraz» arheologıalyq saıabaǵy aýmaǵynda «Ulttyq dombyra kúni – baba únine qurmet» atty mýzykalyq kesh ótedi.

Túrkistanda, «Áziret Sultan» tarıhı-mádenı mýzeı-qoryǵynyń alańynda «Dombyra – dastan» atty mádenı-kópshilik is-shara uıymdastyrylady.

Sonymen qatar, elimizde Dombyra kúnine oraı chellendj ótip jatyr, oǵan 100-ge jýyq mádenıet salasynyń kórnekti ókili qatysýda.