Oljas Bektenov Ekonomıkany demonopolızasıalaý jónindegi komısıa otyrysyn ótkizdi, dep habarlaıdy Bairaqmedia.kz.
Prezıdenttiń «Ekonomıkany yryqtandyrý jónindegi sharalar týraly» Jarlyǵynyń oryndalý barysy qaraldy.
Premer-mınıstrdiń orynbasary – Ulttyq ekonomıka mınıstri Serik Jumanǵarın memlekettiń ekonomıkadaǵy úlesin tómendetý, orta bıznestiń JİÓ-ge salymyn ulǵaıtý boıynsha júrgizilip jatqan jumystar týraly baıandady. Memlekettiń ekonomıkaǵa qatysýyn tek áleýmettik mańyzy bar jáne strategıalyq sektorlarmen shekteý josparlanýda. Básekelestikti qorǵaý jáne damytý agenttiginiń tóraǵasy Marat Omarov básekelestiktiń damýyn tejeıtin kedergilerdi joıý boıynsha qabyldanyp jatqan sharalar týraly baıandady.
Otyrys qorytyndysy boıynsha memlekettiń qatysýymen jekeshelendirýge, biriktirýge nemese taratylýǵa jatatyn 475 kásipkerlik sýbekt tizimi bekitildi. Jumys 2030 jylǵa deıin kezeń-kezeńimen iske asyrylady, bul rette kásiporyndardyń jartysynan kóbi 2025-2026 jyldarǵa arnalǵan is-sharalar josparyna engizilgen, – delingen Úkimet habarlamasynda.
Premer-mınıstr Jarlyqtyń belgilengen merzimde júzege asyrylýy kerektigin basa aıtty. Jumys baqylaýda.
