Almatyda ótken mereıtoılyq konsertte Bıbigúl Tólegenova kópshilikke sálem salyp, qurmet kórsetti, dep habarlaıdy Bairaqmedia.kz.

Almatyda KSRO jáne Qazaqstannyń halyq ártisi, qazaqtyń bulbuly Bıbigúl Tólegenovanyń 95 jyldyq mereıtoıyna arnalǵan erekshe konsert ótti. Sharaǵa óner súıer qaýym jınalyp, ańyz tulǵanyń sahnaǵa shyǵyp, shákirtterimen birge án shyrqaýyn jyly qabyldady.

Kesh barysynda Bıbigúl Ahmetqyzynyń qalyń kópshilikke ıilip, sálem salýynan baıqalǵan qarapaıymdylyǵy men halqyna degen qurmeti kórermenderdi erekshe tolqytty. Konsertten keıin áleýmettik jelilerde ánshiniń sálem salǵan sáti beınelengen jazbalar tarap, qyzý talqyǵa tústi.

Baıan Maqsatqyzyna sálem aıtyńdar, ańyz adam Bıbigúl anamyzdan artyq emes shyǵar, – dep jazdy osyndaı paraqshalardyń biriniń ıesi. 

Oqyrmandar «Qandaı keremet kórinis?!», «Baıan úlgi alsyn», «Qansha jasqa kelse de, halyqtan úlken emes» degen sıaqty pikir bildirdi.