Qazaqstandyq semserlesýshiler Azıa chempıonatynda taǵy bir júlde jeńip aldy, dep habarlaıdy Bairaqmedia.kz.

Ulttyq olımpıada komıtetiniń málimetinshe, Indonezıanyń Balı aralynda ótip jatqan Azıa chempıonaty aıasynda semser qarýymen aıqasýdan erler arasyndaǵy komandalyq jarystyń fınaly aıaqtaldy.

Altyn medal úshin Qazaqstan men Japonıa quramalary baq synady. Tartysty ótken kezdesýde japonıalyqtar jeńiske jetti. Kezdesý 45:39 esebimen aıaqtaldy.

Osylaısha, Qazaqstan quramasy kúmis júldeger atandy. Komanda quramynda Elmır Álimjanov, Rýslan Kýrbanov, Vadım Sharlaımov jáne Erlik Sertaı óner kórsetti.

Aıta kesek, Japonıa quramasy 2024 jylǵy Olımpıadada fınalǵa deıin jetip, sheshýshi kezdesýde Vengrıaǵa ese jibergen bolatyn.

Jalpy, Qazaqstan quramasynyń enshisinde eki medal bar. Buǵan deıin Vadım Sharlaımov jekeleı saıysta úshinshi oryndy ıelengen edi.