Aláska, Gavaı araldary jáne AQSH-tyń Tynyq muhıty jaǵalaýynda sýnamı bolýy múmkin. Bul týraly AQSH prezıdenti Donald Tramp aıtty, dep habarlaıdy inbusiness.kz saıty AZERTADJ-ǵa silteme jasap.
"Tynyq muhıtyndaǵy iri jer silkinisine baılanysty Gavaı turǵyndaryna sýnamı týraly eskertý jarıalandy. Aláska men AQSH-tyń Tynyq muhıty jaǵalaýynda yqtımal sýnamıge baqylaý júrip jatyr. Japonıa da qaýip-qater aımaǵynda tur", – dep jazdy Aq úı basshysy.
Sheteldik BAQ-tyń habarlaýynsha, buǵan deıin Gavaı shtatynyń astanasy Gonolýlý ornalasqan Oahý aralynyń bıligi turǵyndardy jaǵalaýǵa jaqyn aýmaqtardan qaýipsiz jerlerge kóshýge shaqyrǵan. AQSH jaǵalaý kúzeti aımaqtaǵy barlyq kemege porttardy shuǵyl túrde tastap ketý jónindegi buıryq berdi. Sebebi buǵan deıin Kamchatkada kúshti jer silkinisi bolǵan edi.
Japonıada bıiktigi 30-50 sm-ge jetken tolqyndar tirkeldi. Qırandylar nemese zardap shekkender týraly málimet joq.
