Tanymal zańger Nursultan Orynbekov esirtkige mas kúıinde kólik júrgizip ustalǵan ánshi Qarakesek-tiń ánderine tyıym salýdy usyndy, dep jazady bairaqmedia.kz Azattyq Rýhy-na silteme jasap.

«Jaqynda Aqtóbede Qarakesek degen ánshi ustaldy. Onyń qylmystyq isi ákimshilik iske aýysyp ketti. Biraq osyndaı tulǵalardy sahnalardan, efırlerden, platformalardan alyp tastaý kerek. Onyń ánderi jastar arasynda keń taraǵan. «Áppaǵym, senen artyǵyn tappadym» deıdi. Bylaı qarasań, mahabbat týraly án sıaqty. Biraq ol mefedron, aq untaqqa qatysty án degen qaýeset bar. Esirtkini astarlap nasıhattap júr. Mádenıet mınıstrligi osy syndy ánshilerdiń ánderin sahnadan alyp tastaı ala ma?», - dedi zańger «AMANAT» partıasynyń jastar keńesiniń otyrysynda.

Bul suraqqa mádenıet jáne aqparat vıse-mınıstri Evgenıı Kochetov jaýap berdi. Onyń aıtýynsha, jastar arasynda esirtkini romantızasıalaý kezdesedi.

«Qarakesek-tiń jaǵdaıyna kelsek, maǵan da kóp adam «ánderin mas kúıinde jazǵan shyǵar» dep aıtty. Bul ár adamnyń qıaly bolýy múmkin. Biraq, ekinshi jaǵynan biz bul jaǵynan qalaı saqtana alamyz? Mundaıǵa qatysy bar bolǵan ártisterdi qadaǵalap otyramyz. Biraq olardy qoǵamnyń ózi de shettetýi kerek. Ony romantızasıalaıtyn qoǵamnyń ózi.  Mysaly, «Sheker» serıalynan keıin de qoǵamnyń pikiri ekige jarylyp ketken bolatyn», - deıdi Kochetov.