Almaty oblysynda qylmys deńgeıiniń turaqty tómendeýi tirkeldi, dep habarlaıdy bairaqmedia.kz
Almaty oblysynda óńir ákimi Marat Sultanǵazıevtiń tóraǵalyǵymen quqyqbuzýshylyqtardyń aldyn alý jónindegi vedomstvoaralyq komısıanyń otyrysy ótti. Jıynda 2025 jyldyń alǵashqy bes aıynyń qorytyndysy qaralyp, profılaktıkalyq sharalardyń basym baǵyttary men qoǵamdyq qaýipsizdikti nyǵaıtý máseleleri talqylandy.
Memlekettik organdar arasyndaǵy tıimdi ózara is-qımyl men keshendi tásildiń nátıjesinde aımaqta aıtarlyqtaı oń ózgerister baıqaldy.
Quqyqbuzýshylyq týraly ótinishter men habarlamalar sany 35 069-dan 31 029-ǵa deıin qysqardy (–11,5%), al tirkelgen qylmystyq quqyqbuzýshylyqtar sany 4 481-den 3 925-ke deıin tómendedi (–12,4%). Asa aýyr qylmystar – 45,3%-ǵa, aýyr qylmystar – 14,7%-ǵa, al onsha aýyr emes qylmystar – 16%-ǵa azaıdy. Qasaqana adam óltirý eki esege (28-den 14-ke deıin), urlyq – shamamen úshten birge (922-den 653-ke deıin), usaq urlyq – tórt eseden astam (518-den 112-ge deıin) tómendedi. Qoǵamdyq oryndardaǵy quqyqbuzýshylyqtar – 19%-ǵa, al alkogóldik mas kúıinde jasalǵan qylmystar – 3%-ǵa azaıdy. Esirtki aınalymyna qatysty, satý maqsatynsyz tirkelgen quqyqbuzýshylyqtar 25,4%-ǵa qysqardy.
Bul derekterdi Almaty oblysy boıynsha Quqyqtyq statısıka jáne arnaıy esepke alý komıteti departamentiniń ýaqytsha basshysy Maksat Aıtımbetov usyndy.
Oblystyq Polısıa departamentiniń bastyǵy Meıram Ábikenov óńirdegi jaǵdaıdy baıandap, qylmystyń aldyn alýǵa baǵyttalǵan sharalar týraly málimdedi.
Biz kórsetkishterdiń turaqty jaqsarýyn kórip otyrmyz. Bul – atqarylyp jatqan keshendi jumystyń nátıjesi. Degenmen, osy qarqyndy báseńdetpeı, qaýip tónetin aýmaqtarda aldyn alý sharalaryn kúsheıtýimiz qajet, – dedi ol.
Oblys prokýrory Berik Adamov quqyqtyq tártipti nyǵaıtýda tehnologıalyq sheshimderdiń mańyzyn atap ótti.
Qylmys deńgeıi aıtarlyqtaı tómendedi: urlyq – 37%-ǵa, mal urlyǵy – 27%-ǵa, kisi óltirý – 75%-ǵa azaıdy. Qosymsha tıimdilik retinde 9 000 beınebaqylaý kamerasyn qosý josparlanyp otyr. Bul “soqyr núktelerdi” joıýǵa jáne baqylaýdy kúsheıtýge múmkindik beredi, – dedi ol.
Jıynǵa sondaı-aq Ekonomıkalyq tergep-tekserý departamentiniń basshysy Danıar Aqjanov, Sybaılas jemqorlyqqa qarsy qyzmettiń ókili Bolat Jarmaqov jáne Ulttyq qaýipsizdik komıteti departamentiniń ókili Rýstam Ibraev qatysty. Olar óz salalary boıynsha ózekti syn-tegeýrinder men usynystaryn jetkizdi.
Jazǵy demalys maýsymynyń bastalýyna baılanysty, kámeletke tolmaǵandardyń qatysýymen bolǵan jol-kólik oqıǵalarynyń artýy men qaıǵyly jaǵdaılar sebepti bilim berý, kólik jáne avtomobıl joldary basqarmalarynyń basshylary tyńdaldy. Sondaı-aq, keıbir aýdandarda quqyqbuzýshylyqtyń jekelegen túrleri ósim kórsetkeni úshin tıisti aýdan ákimderi baıandama jasady.
Jıyndy qorytyndylaı kele, oblys ákimi Marat Sultanǵazıev qylmys deńgeıin tómendetý – barlyq memlekettik organdardyń birlesken ári júıeli jumysynyń nátıjesi ekenin atap ótti.
Qylmystyń tómendeýi – bul vedomstvolardyń úılesimdi jáne jaýapkershilikpen atqarǵan júıeli jumysynyń jemisi. Qabyldanǵan sharalar naqty nátıje berip jatqanyn kórip otyrmyz. Basty maqsat – qylmystyń aldyn alý, ýaqytyly áreket etý jáne óńir turǵyndarynyń qaýipsizdigin qamtamasyz etý. Bul – bizdiń negizgi basymdyǵymyz, – dedi óńir basshysy.
Jıyn qorytyndysynda quqyqbuzýshylyqtyń aldyn alýdy kúsheıtý jáne profılaktıkalyq jumystardyń tıimdiligin arttyrýǵa baǵyttalǵan naqty sharalar qabyldandy. Komısıa óz jumysyn jalǵastyra otyryp, jańa quqyqbuzýshylyqtardyń aldyn alýǵa ǵana emes, buryn jiberilgen qatelikterge jan-jaqty taldaý júrgizip, odan sabaq alýǵa jáne olardy qaıtalamaýǵa erekshe kóńil bóletin bolady.
