Qazaqstandyq MMA sportshysy Álibı Ydyrys UFC uıymdastyratyn The Ultimate Fighter 33 realıtı-jobasynyń fınalyna shyqty. Jartylaı fınal aıasynda asa jeńil salmaqta óner kórsetken Yydyrys Venesýela ókili Roıbert Echeverrıany birinshi raýndta tizesimen uryp, nokaýtqa túsirdi, dep habarlaıdy bairaqmedia.kz penalty.kz-ke silteme jasap.
Bul áserli jeńis Álibıge fınal joldamasyn syılady. Endi ol Immanýel Rodrıges pen Djozef Morales arasyndaǵy jekpe-jektiń jeńimpazymen kezdesedi.
Álibı Ydyrys buǵan deıin shırek fınalda ózbekstandyq Fýrqatbek Ioqýbovty tóreshilerdiń biraýyzdan shyǵarǵan sheshimimen jeńip, óz myqtylyǵyn dáleldegen edi. Jekpe-jek barysynda ol tehnıkalyq daıyndyq pen taktıkalyq artyqshylyǵyn tolyq kórsetti.
The Ultimate Fighter jobasynda Idrıs UFC-diń burynǵy chempıony Danıel Kormeniń komandasyn tanystyrýda. Bul shoý UFC-ge kirý jolyndaǵy basty múmkindik sanalady. Fınaldyń jeńimpazy promoýshenmen eksklúzıvti kelisimshartqa qol qoıady jáne kásibı MMA áleminde jańa beleske kóteriledi.
