Атырау облысының Индер ауданында 32 жастағы жүкті әйел күйеуінің соққысынан кейін ауруханаға жеткізілді. Үш баланың анасы қазір төртінші сәбиіне аяғы ауыр, деп хабарлады Вairaqmedia.kz.
Жәбірленушінің айтуынша, жолдасы оған бұған дейін де бірнеше рет қол көтерген. Әйел күйеуінің намаз оқитынын да атап өткен.
Кезекті жанжал кезінде соққы алған әйел үйден қашып шығып, көршісінен көмек сұрауға мәжбүр болған. Кейін ол ауруханаға жеткізілген.
Атырау облысы полиция департаменті аталған дерек бойынша қылмыстық іс қозғалғанын хабарлады.
«Күдікті ұсталып, уақытша ұстау изоляторына қамалды. Қазіргі уақытта қажетті тергеу әрекеттері жүргізілуде. Өзге ақпарат тергеу мүддесіне сәйкес жариялауға жатпайды», – делінген полиция мәліметінде.
Қазір оқиғаның барлық мән-жайын анықтауға бағытталған сотқа дейінгі тергеу жалғасып жатыр.
