Қазақстан Президенті Қасым-Жомарт Тоқаев Қарулы Күштердің Құрлық әскерлері басшылығында кадрлық өзгеріс жасады, деп хабарлайды Вairaqmedia.kz Ақордаға сілтеме жасап.
"Мемлекет басшысының өкімімен Мереке Мәтімұлы Көшекбаев Қазақстан Республикасы Қарулы Күштері Құрлық әскерлерінің бас қолбасшысы лауазымынан босатылды", -делінген Ақорда хабарламасында.
Сонымен қатар, жаңа тағайындау туралы да мәлімет бар.
"Мемлекет басшысының өкімімен Қуанышбек Өскенбайұлы Үштаев Қазақстан Республикасы Қарулы Күштері Құрлық әскерлерінің бас қолбасшысы лауазымына тағайындалды", - делінген хабарламада.
