Солтүстік Қазақстан облысында әкімдіктің лауазымды қызметкерлері мен кәсіпкер парақорлығы үшін сотталды, деп хабарлайды Bairaqmedia.kz.
Ақпаратқа сәйкес, Тайынша ауданы әкімінің орынбасары және ТҮКШ бөлімі басшысы жолдарды ағымдағы жөндеу бойынша орындалған жұмыс актілеріне кедергісіз қол қою үшін жергілікті кәсіпкерден 10 млн теңге пара алған.
Бұлтартпас дәлелдер болса да, жауапқа тартылған үш адам өз кінәларын мойындамай, жасаған істеріне өкінбеген. Алайда, мемлекеттік айыптау пара беру және алу фактілерін даусыз дәлелдеген.
Петропавл қалалық соты прокуратураның ұстанымымен келісіп, кінәлі тұлғалар барлығы 3 жыл 6 айдан бастап 7 жыл 6 айға дейін нақты түрде бас бостандығынан айыруға сотталған, оларға өмір бойына мемлекеттік қызметте және квазимемлекеттік сектор субъектілерінде лауазымда болуға тыйым салынған, – делінген хабарламада.
Сотталғандар жазаларын орташа қауіпсіздіктегі қылмыстық-атқару жүйелері мекемелерінде өтейді.
2025 жылғы 14 ақпанда соттың үкімі заңды күшіне енді.
