Әнші Мақпал Жүнісова желідегі парақшасында марқұм жұбайы, қоғам қайраткері Заманбек Нұрқаділовтің 2005 жылы жазған соңғы өлең жолдарын жариялады, деп хабарлайды bairaqmedia.kz.
Өнер иесі жазбасында: «Заманбек Нұрқадіровтің 2005 жылы жазған соңғы өлеңдерінен үзінді» деп атап өтті.
Жарияланған суретте Нұрқаділовтің өз қолымен жазған мынадай жолдар бар:
«Өлсем ақ денемді пышақ салып кеспеңдер.
Сенесің бе? Бір өзіңнен басқа жаннан бір жақсылық көрмеппін...
Дарын қонған асыл жанға еркіндікті бермеппін...
"Махаббат бар" – жете деп қолды көп жыл сермеппін...
Мен жолыңды аша алмаппын, жібек жіппен кермеппін...
Дірілдеген әр әніңді моншақ жасап термеппін...»
Желі қолданушылары әншіге жылы пікірлер қалдырып, жұбату сөздерін айтты:
«Өмірден өтерін сезгендей жазыпты», – десе, енді бірі «Мақпал апай, сіз бақыттысыз – ел сүйген азаматтың жары болдыңыз» деп жазған.
