Қазақстанда 2026 жылы айлық есептік көрсеткіш (АЕК) өсетініне байланысты құжат рәсімдеу бағалары да қымбаттайды, деп хабарлайды bairaqmedia.kz.
Үкімет бекіткен мәліметке сәйкес, келесі жылдан бастап АЕК 393 теңгеге артып, 4 325 теңге болады. Салыстырсақ, 2024 жылы 1 АЕК – 3 692 теңге, 2025 жылы – 3 932 теңге болған.
Құжат құны дәл осы көрсеткіш арқылы есептелетіндіктен, қызмет бағалары да өзгереді.
Жеке куәлік құны – 0,2 АЕК.
2026 жылы бұл төлем 865 теңгені құрайды.
36 беттік төлқұжат үшін – 8 АЕК төленеді.
Жаңа тариф бойынша оның бағасы 34 600 теңге болады.
2026 жылдан бастап басқа да мемлекеттік қызметтердің құны АЕК өсіміне сәйкес жаңартылады.
