Жол апаты 1 қыркүйек күні сағат 10:00 шамасында Түрксіб ауданында болған. Полиция мәліметінше, жасөспірім Тоқтағұл көшесімен оңтүстік бағытта келе жатып, Артиллерия көшесінің қиылысында көлікті басқара алмай қалған.
Салдарынан жол талғамайтын көлік жеке үйдің темір қоршауына соғылған. Желіде тараған кадрлардан соққыдан қоршаудың бір бөлігі мен қақпаның қирағанын көруге болады.
Абырой болғанда, жол апатынан ешкім зардап шекпеген.
Қазір оқиғаның мән-жайын Түрксіб аудандық полиция басқармасы анықтап жатыр. Полиция кәмелетке толмаған баланың тәрбиесіне қатысты міндеттерін тиісінше орындамағаны үшін оның ата-анасы жауапқа тартылатынын мәлімдеді.
