Мемлекет басшысы Қасым-Жомарт Тоқаев 26 тамызда Республикалық тамыз конференциясының пленарлық отырысында сөйлеген сөзінде мектеп бағдарламасына «Конституция негіздері» және «Заң мен тәртіп» курстары енгізілетінін мәлімдеді, деп хабарлады Вairaqmedia.kz.
Президенттің айтуынша, оның тапсырмасына сәйкес осы оқу жылынан бастап мектептерде «Құқық негіздері» пәні оқытыла бастайды. Сонымен қатар оқу бағдарламасына «Конституция негіздері» және «Заң мен тәртіп» курстары енгізіледі.
«Бұл жаңашылдықтың басты мақсаты – заңға бағынатын және Конституцияны құрметтейтін жас ұрпақ қана өркендеген қоғам құрып, жеке басының әл-ауқатына, қарапайым тілмен айтқанда, бақытты өмірге қол жеткізе алады. Ал құқықтық нормаларды елемей, заңды бұзған жастарды қылмыстық жаза мен зая кеткен өмір күтетіні сөзсіз», – деді Қасым-Жомарт Тоқаев.
Мемлекет басшысының сөзінше, өкінішке қарай, көптеген жас азамат бұл қарапайым ақиқатты біліп қана қоймай, оның мәнін де жете түсінбейді.
«Біздің міндетіміз – осы өмірлік қағиданы олардың әрқайсысына жеткізу. Жалпы, оқулықтардың мазмұны заманауи талаптарға, сондай-ақ Жаңа Конституцияда бекітілген идеяларға сай болуы өте маңызды. Қойылған міндетті сапалы әрі уақтылы орындау Үкімет пен бейінді министрлікке тікелей жүктеледі», – деді Президент.
