Испанияның Толедо провинциясында екі жолаушылар пойызы соқтығысып, ондаған адам қаза тапқаны хабарланды, деп жазады Bairaqmedia.kz.
Алдын ала мәлімет бойынша, 28 қазан күні таңертең AVE және Iryo жүрдек пойыздары соқтығысқан. Соққы салдарынан Iryo пойызының екі вагоны рельстен шығып, теміржол үйіндісінен құлаған. Тараған ақпаратта кемінде 46 адамның қаза тапқаны айтылған. Оқиға орнына өрт сөндірушілер, дәрігерлер мен құтқарушылар жұмылдырылған.
Апатқа байланысты Мадрид пен Андалусия арасындағы жүрдек пойыздардың қозғалысы тоқтатылған.
Алдын ала болжам бойынша, пойыздардың бірі екіншісін артқы жағынан соққан. Апатқа қозғалысты басқару кезіндегі қателік себеп болуы мүмкін деген нұсқа қарастырылып жатыр.
Оқиғаның нақты мән-жайы анықталуда.
