Бүгін, 18 тамызда, Астанада жедел жәрдем фельдшері, 23 жастағы Улдана Мырзуанның қаза болуына қатысты қылмыстық іс бойынша сот отырысы басталды, деп хабарлайды Вairaqmedia.kz.
Сот отырысы сағат 15:00-де басталуы тиіс болған, алайда оны кейінге қалдыруға тура келді. Судьяның айтуынша, сотталушы мен оның қорғаушысы белгіленген уақытта келмеген. Олар келгеннен кейін сот қорғаушыға алғашқы ескерту жасап, мұндай жағдай қайталанған жағдайда тиісті шара қолдануға мәжбүр болатынын ескертті.
Осыдан кейін сот отырысы ашық деп жарияланды.
ОСИ төрағасы Сауле Жубаниязоваға ҚР Қылмыстық кодексінің 254-бабының 1-бөлігі — «Міндеттерге адал қарамау» бойынша сот жүріп жатыр.
Тергеу нұсқасы бойынша, қайғылы оқиға 2025 жылғы 8 қарашада болған. Улдана Мырзуан Астанадағы Тәуелсіздік даңғылы маңындағы шақыртуға барған. Медициналық көмек көрсету кезінде ғимараттың кірпіш қаптамасының элементтері мен кондиционердің бекіткіші оған құлап кеткен.
Фельдшер ауыр жарақат алып, ауруханаға жеткізілді. Дәрігерлердің көмегіне қарамастан, 18 қарашада ол жансақтау бөлімінде қайтыс болды.
Қылмыстық іс 2026 жылғы 6 тамызда сотқа жолданған.
