Павлодар облысында қылмыстық топ ұсталды, деп хабарлайды Bairaqmedia.kz.
Облыс прокуратурасының бастамасымен жүргізілген жедел-іздестіру шаралары барысында Экономикалық тергеулер департаментінің қызметкерлері Сыбайлас жемқорлыққа қарсы қызметтің қолдауымен құқық қорғау органдарының бұрынғы қызметкерлері мен ұйымдасқан қылмыстық топ мүшелерінен құралған қылмыстық топтың іс әрекетін тоқтатты.
Ақпаратқа сәйкес, бұл топ ірі көлемде ақша иемдену мақсатында жәбірленушіні оның автокөлігінде күш қолдану арқылы еркінен тыс ұстаған.
Адам ұрлау және бопсалау фактілері бойынша материалдар ҚР Қылмыстық кодексінің 125 және 194-баптары бойынша материалдар прокуратураның СТБТ-де тіркелді, алдын ала тергеу арнайы прокурорлармен жүргізіліп жатыр, – делінген хабарламада.
Күдіктілер ұсталды, оларға қатысты сотпен қамауға алу шарасы таңдалды.
Қазір күдіктілердің басқа қылмыстық әрекеттерін анықтау бойынша тергеу шаралары жүргізіліп жатыр.
Тергеу мүддесі үшін басқа ақпарат ҚР Қылмыстық процессуалдық кодексінің 201-бабына сәйкес жарияланбайды.
